प्रधानमन्त्री केपी शर्मा ओलीले आइतबार झण्डै सात घण्टा लामो समय नेपाल सरकारका सचिवहरूसँग ब्रिफिङ लिएका छन्। प्रधानमन्त्री ओलीले सरकार गठन भएपछि पहिलोपटक उपप्रधानमन्त्रीद्वय प्रकाशमान सिंह र विष्णुप्रसाद पौडेलसहित सबै मन्त्री तथा सचिव र योजना आयोगका पदाधिकारीहरूलाई संयुक्त बैठक राखेर ब्रिफिङ लिएका हुन्। बिहान ११ बजेदेखि सुरु भएको बैठक साँझ पौने ६ बजेसम्म चलेको थियो।
बिज्ञापन
बैठकमा सचिवहरूले छुट्टाछट्टै रूपमा प्रधानमन्त्रीसँग मातहतका मन्त्रालय तथा कार्यालयका गतिविधिबारे जानकारी गराएका थिए । प्रधानमन्त्री ओलीले सामाजिक सञ्जालबाटै लेखेका छन्, आज बिहान करिव साढे ११ बजेदेखि साढे ५ बजेसम्म ६ घन्टा सबै मन्त्रालयका सचिवज्यूहरुको ब्रिफिङ सुनें ।
बिज्ञापन
नागरिकलाई छिटो सेवा प्रवाह र विकासका कामलाई अगाडि बढाउन के के समस्या छन्, कसरी काम गर्न सकिन्छ भन्ने विषयमा सचिवज्यूहरुले आ–आफ्ना मन्त्रालयको स्थितिबारे विस्तृतमा खुलेरै कुरा राख्नु भयो । भनिन्छ– समस्याको सही पहिचान नै आधा समाधान हो । अब भोलिको एक दिन हामीले सोच्ने समय लिएका छौं र मंगलबार फेरि छलफल गरेर काम अगाडि बढाउने विषयमा निर्णय लिन्छौं ।
बिज्ञापन
