नेकपा एकीकृत समाजवादीका अध्यक्ष माधव नेपाल विपक्षी दलको बैठकमा सहभागी भएको भोलिपल्टै एसका सम्मानिता नेता झलनाथ खनाल वालुवाटार पुगेर प्रधानमन्त्री प्रचण्डसँग भेटघाट गरेर फर्किएका छन् ।
बिज्ञापन
विपक्षी दलको बैठकमा सहभागी हुन अध्यक्ष नेपाल हिजो बूढानिलकण्ठस्थित शेरबहादुर देउवाको निवासमा पुगेका थिए । त्यहाँ काँग्रेस सभापति शेरबहादुर देउवाको निवास पुगेर मधेश प्रदेशको सरकार जोगाउने सहमति गरेर उनी फर्किएका बताइन्छ । उपेन्द्र यादव नेतृत्वको जनता समाजवादी पार्टी ९जसपा० नेपालका सरोज यादव नेतृत्वको मधेश प्रदेश सरकारलाई निरन्तरता दिनकै लागि देउवा निवासमा छलफल भएको थियो । त्यस छलफलमा जसपाका उपेन्द्र यादवसहित, लोसपाका महन्थ ठाकुर र एसका माधव नेपाल पनि थिए । मेटमणि चौधरीसहित त्यहाँ पुगेका उनले जसपा विभाजनपछि अन्योल थपिएको बताएका थिए ।देउवाले बोलाएर यादवको सरकार जोगाउन सहमति जुटाइदिए ।
बिज्ञापन
यता आज बिहान समाजवादीका सम्मानित नेता झलनाथ खनाल र प्रधानमन्त्री पुष्पकमल दाहाल प्रचण्डबिच भेटवार्ता गरेर फर्किएका छन् । माओवादी केन्द्रका अध्यक्ष प्रचण्ड नेतृत्वको केन्द्र सरकारमा सहभागी एकीकृत समाजवादीभित्र सरकार छाड्ने कि नछाड्ने भन्नेमा मतभेद छ । खासगरी सरकार सञ्चालनका विषयमा प्रचण्ड र एमाले अध्यक्ष ओलीले आफूसँग कुनै छलफल नगर्ने गरेको गुनासो अध्यक्ष नेपालले गर्दै आएका छन् ।
बिज्ञापन
