मुख्य सचिव एकनारायण अर्यालको अध्यक्षतामा सोमबार बसेको सचिव बैठकले पिडित घरपरिवारलाई राहतका लागि सचिवहरुको पाँच दिन बराबरको तलब प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको छ ।
बिज्ञापन
मुख्य सचिव अर्यालको अध्यक्षतामा सोमबार बसेको सचिव बैठकले सचिवहरुको पाँच दिन बराबरको तलब प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको हो ।
बिज्ञापन
बैठकले विपद व्यवस्थापन सम्वन्धमा विभिन्न १४ वटा निर्णय गरेको छ । बैठकले गृहमन्त्रालयको समन्वयमा तत्काल खोज, उद्धार र राहत उपलब्ध गराउने कार्यलाई तदारुकता दिने निर्णय गरेको छ ।यसैगरी बाटोमा अलपत्र परेका यात्रुलाई तत्काल गन्तव्य पु¥याउन आवश्यक व्यवस्था भौतिक मन्त्रालय र गृहमन्त्रालयको आपसी समन्वयमा सम्पन्न गर्ने निर्णय समेत सचिव बैठकले गरेको छ ।
यसैगरी सचिव बैठकले स्वास्थ्य मन्त्रालयले घाइतेहरुको निशुल्क उपचारको व्यवस्था गर्ने, विपद् प्रभावित क्षेत्रमा हैजा , डेंगी जस्ता रोगहरु फैलन नदिने , बाढी पहिरोका कारण अवरुद्ध सबै राजमार्गहरु तत्काल खुलाउने, विपद् प्रभावित क्षेत्रमा तत्काल खानेपानीको व्यवस्था मिलाउने, अवरुद्ध भएका सबै सेवाहरु तत्काल सम्वन्धित निकायले तत्काल सुचारु गराउने लगायतका महत्वपूर्ण निर्णय गरेको छ ।
बिज्ञापन
काठमाडौँ–सिन्धुली–बर्दिबास सड्क खण्ड सञ्चालनमा आउनुअघि वैकल्पिक रुट पहिचान गरेर सार्वजनिक गर्न सचिवहरूको बैठकले भौतिक पूर्वाधार तथा यातायात मन्त्रालयलाई जिम्मेवारी दिएको छ । बैठकको निर्णयमा भनिएको छ, ‘वीपी राजमार्ग (काठमाडौँ–सिन्धुली–वर्दिबास) सञ्चालनमा नआउन्जेलका लागी वैकल्पिक रुट पहिचान गरी यथाशीघ्र सार्वजनिक गर्ने ।’
