नेपाल राष्ट्रिय कर्मचारी सङ्गठन निजामतीले सरुवा गरेर कर्मचारीलाई आतंकित नपार्न सरकारसँग माग गरेको छ ।
बिज्ञापन
आइतबार संगठनका अध्यक्ष अम्बादत्त भट्टले प्रेस विज्ञप्ति जारी गर्दै सरकारले ‘सरुवा आतंक’ मच्चाएको आरोप लगाउँदै रोक्न माग गरेका हुन् ।
बिज्ञापन
उनले नेपाल नेपालको संविधान, २०७२ ले श्रमिकको हक अधिकारको सुनिश्चित गरेको उल्लेख गर्दै तटस्थ र स्वतन्त्र रुपमा सञ्चालन हुनुपर्ने प्रशासन संयन्त्र निर्माण गर्नुपर्नेमा राजनीतिक आस्थाको आधारमा पूर्वाग्राह राखी ट्रेड युनियन ऐन, २०४९ विपरीत ट्रेड युनियनका पदाधिकारीलाई कार्यक्षेत्र बाहिर सरुवा गरिएको बताएका छ्न।
सरुवा तथा निजामती ऐन, २०४९ ले व्यवस्था गरेको समयावधि नपुग्दै र सेवा निवृत्त हुनका लागि एक वर्षभन्दा कम अवधि भएका कर्मचारीमाथि गरेको सरुवा आतंक तथा विभिन्न मन्त्रालय, विभाग, कार्यालयमा रिक्त दरबन्दी राखी कर्मचारी मनोबल गिराउने काम कानुनी शासनको प्रतिकूल रहेको विज्ञप्तिमा उल्लेख छ।
बिज्ञापन
सरकारले पछिल्लो समय करिब एक साताको बीचमै करिब साढे १२ सय कर्मचारी सरुवा गरेको थियो ।
