निर्वाचन जित्नका लागि कुनै उमेद्धारले खर्चिएको रकम कलम नभइ मतपत्र ओर्सानका लागि राज्यले खर्चेको हिसाब हो यो ।
बिज्ञापन
आइतबार सम्पन्न ४१ वटा स्थानीय तहका लागि भएको उप निर्वाचनमा २९३ वटा मतदान केन्द्र । त्यहीमध्ये एउटा यस्तो मतदान केन्द्र,जहाँ गाडीबाटै पुग्न दुई दिन समय लाग्ने भएपछि नेपाली सेनालाई गुहारियो । सेनाको हेलिकप्टरको सहायताले १५ मिनेटमा मतपत्र सदरमुकामसम्म ल्याएर मत गणना सम्पन्न गरियो ।
बिज्ञापन
दोलखाको गौरीशंकर गाउँपालिको उपाध्यक्षका लागि भएको निर्वाचनमा मतदान केन्द्र १२ वटा र २१ वटा वुथ । जसमध्येको एक हो रोल्वालिङ्गको वेदिङ्ग मतदान केन्द्र । त्यहाँबाट मतपेटिका ढुवानी गर्ने हेलिकप्टर पठाउनु पर्ने स्थिति आएको हो । बेदिङ्ग मतदान केन्द्र छो रोल्पा ताल मुनी पर्दछ । सदरमुकामबाट लामाबगर अपरतामाकोशीसम्म गाडी जान्छ । त्यहाँबाट अर्को २ दिन लगाएर मतदान स्थलसम्म पुग्नुपर्ने हुन्छ । यस अघि भएका निर्वाचनमा कहिले हेलिमार्फत त कहिले मानिसबाटै बोकाएर मतपत्र ल्याउने गरिन्थ्यो । यस पटक नेपाली सेनाको हेलिकप्टर पठाइयो । जम्मा १०३ मतदाता रहेकोमा ३३ मत मात्र खसेको थियो त्यहाँबाट । सोही मतपत्र ल्याउन काठमाडौंबाट हेलिकप्टर गएको हो । नेपाली सेनाको हेलिकप्टरले १५ मिनेटको फ्लाइटमा उक्त मतपत्र सदमुकामसम्म ल्यायो । सो को मुल्य पर्यो ५ लाख तिरिएको जनाइएको छ । यो हिसाबले एक मतको मूल्य १५ हजार १५१ रुपैंया खर्च गर्नुपरेको छ,राज्यले । सो ठाउँबाट उमा लुङ्गेली मगर २८०५ मत सहित विजयी हुँदा माओवादीको उमेद्धार निम लेकी शेर्पाले २६ सय मत प्राप्त गरेकी छिन् ।
उता कच्चा वैद्यको जात्रा यमपुरीको यात्रा भनेझैं भयो उदयपुरको बेलका नगरपालिकामा । त्यहाँ खटाइएका निर्वाचन अधिकृतले यस्तो कच्चापना देखाइदिए कि दुई वटा मत पत्र गन्दा एउटा बदर । ५ सय मतपत्र गन्दा २२० मत बदर । सदर र बदर मतको विषयमा दलहरूबिच विवाद यति तिव्र भयो कि पछि सर्वदलीय बैठक बस्यो । निर्वाचन आयोगसँग राय मागियो । बदर भएको मत पुनः गणना गर्न निर्वाचन आयोगले सुझाएपछि बल्ल मतगणना सुरु भयो । त्यहाँ निर्वाचन अधिकृत मनोजप्रसाद गुप्तालाई खटाइएको थियो । मतपत्रमा मसी लागेका स्वस्तिक छाप बढी प्रयोग भएका मतपत्र धमाधम बदर भएसँगै रातभर लफडा चलेकोमा पछि गणना निर्देशिका अनुसार पुन मतगणना गर्न निर्वाचन आयोगले राय दिएसँगै मतगणना अघि बढेको थियो । त्यहाँबाट माओवादी केन्द्रका उम्मेदवार भरत घिमिरे ५५९ मतका साथ विजयी भए यस अघि काँग्रेसका उमेद्धारले जितेको उक्त वडामा नवराज बस्नेतले ४०४ मतमा चित्त बुझाउनु परेको छ ।
बिज्ञापन
