संघीय संसदका कर्मचारीहरुले आन्दोलनको स्वरुप फेरेका छन् । चौरमा भेला भएर हातमा कालोपट्टी बाँधेर साता दिनदेखि आन्दोलन गर्दै आएका कर्मचारीहरुले बुधबार आन्दोलनको स्वरुप फेरेका हुन ।
बिज्ञापन
कार्यालय समयभन्दा अघि वा पछि काम गरेको अतिरिक्त भत्ता खोजेर आन्दोलन गरिरहेका कर्मचारीका कारण प्रतिनिधि सभाको बैठक स्थगित भएको छ । संसद् सचिवालयका कर्मचारीहरू तलब भत्ता, आवास भत्ता तथा शैक्षिक भत्ता वृद्धिको माग राख्दै आन्दोलनमा छन् । ११ बुँदे माग राखेर अघिल्लो बिहिबारदेखि आन्दोलन गर्दै आएका कर्मचारीहरुले आन्दोलन चर्काउदै लगेका हुन ।
बिज्ञापन
आज पाँच बजे पछि पनि प्रतिनिधि सभाको बैठक चलिरहेको थियो । स्वास्थ्य तथा जनसंख्या मन्त्रीले बजेटमा उठेका प्रश्नको जवाफ दिइसकेपछि सांसदहरूले पुरक प्रश्न गर्न थालेपछि प्राविधिक कर्मचारीहरूले सभामुखलाई मात्रै देखाएर युट्युबटमा प्रत्यक्ष प्रसारण गरिदिए । उनीहरुको व्याल्क आउटका कारण आजको प्रतिनिधिसभाको बैठक स्थगित भएको छ । कर्मचारीहरूले असहयोग गरेपछि बुधबार प्रतिनिधि सभाको बैठक स्थगित भएको हो ।
यसअघि ५ बजेसम्म बैठक सञ्चालन गर्ने सहमति भएको थियो । तर सभामुख देवराज घिमिरेले ५ बजेपछि पनि पेलेर संसद् चलाउन थालेपछि प्राविधिक कर्मचारीहरूले सभामुखको मात्र अनुहार देखाएर प्रत्यक्ष प्रसारण गरेका थिए ।
बिज्ञापन
